Расійскі беспілотнік выбухнуў на тэрыторыі Малдовы

• 24.09.2026, 10:38

Мая Санду заявіла пра чатырох парушальнікаў паветранай прасторы.

Прэзідэнтка Малдовы Мая Санду адрэагавала на расійскі абстрэл украінскіх рэгіёнаў, у выніку якога ў Малдову некалькі разоў заляталі беспілотнікі.

Пра гэта яна напісала ў сацыяльнай сетцы X.

Санду заявіла, што раніцай 24 верасня чатыры расійскія беспілотнікі парушылі паветраную прастору Малдовы, і «прынамсі адзін з іх выбухнуў на поўначы краіны».

«Вайна, якую вядзе Расія, ставіць пад пагрозу ўсю Еўропу. Мы асуджаем гэтую вайну і салідарныя з Украінай», – падкрэсліла прэзідэнтка Малдовы.

Уначы на 24 верасня РФ здзейсніла чарговую масіраваную атаку на тэрыторыю Украіны. У прыватнасці, расіяне нанеслі ўдар па Кіеве балістычнымі ракетамі: па стане на раніцу вядома пра двух загінулых і васьмі параненых.