Беларусам адмянілі візы ў папулярную экзатычную краіну

• 24.09.2026, 11:05

Яна славіцца беласнежнымі пляжамі і трапічнымі астравамі.

Беларусь і Мальдывы падпісалі пагадненне аб узаемнай адмене віз. Аб гэтым паведаміла прэс-служба беларускага Міністэрства замежных спраў.

Пагадненне паміж урадамі краін заключылі на палях на палях 81-й сесіі Генеральнай Асамблеі ААН у Нью-Ёрку. Ад Беларусі дакумент падпісаў міністр замежных спраў Максім Рыжанкоў, ад Мальдываў — яго калега Ірутышам Адам.

Таксама міністры дамовіліся аб актывізацыі супрацоўніцтва ў міжнародных арганізацыях па пытаннях, якія ўяўляюць узаемную цікавасць. Яны выказалі гатоўнасць развіваць дагаворна-прававую базу, у тым ліку ў сферы паветраных зносін. Сярод перспектыўных напрамкаў узаемадзеяння вылучылі адукацыю, падрыхтоўку кадраў для медыцынскай галіны, сферы турызму і рэкрэацыі, а таксама пастаўкі беларускай харчовай прадукцыі. Узгаднілі графік маючых адбыцца двухбаковых кантактаў на найвышэйшым і высокіх узроўнях.