Румынію атакаваў нестандартны дрон

• 24.09.2026, 12:41

БПЛА мае незвычайныя тэхнічныя характарыстыкі.

Па папярэдніх дадзеных, дрон, які разбіўся ў Румыніі ў лесе, мае тэхнічныя характарыстыкі, якія некалькі адрозніваюцца ад дронаў, з якімі румынскія вайскоўцы сутыкаліся раней.

Пра гэта заявіў выконваючы абавязкі міністра абароны Раду Міруцэ у эфіры digi24.

Міруцэ назваў ноч на 24 верасня напружанай з пункту гледжання выканання задач румынскай арміі.

Ён патлумачыў, што беспілотнік не быў збіты, бо «не былі выкананыя неабходныя ўмовы», і лятальны апарат знаходзіўся ў паветранай прасторы краіны ўсяго чатыры хвіліны, пасля чаго ўпаў у лесе.

«Нам вядома, што ён пралятаў у румынскай паветранай прасторы 4 хвіліны, накіроўваючыся з Украіны. На гэты раз ён не пралятаў праз Малдову; ён увайшоў з поўначы краіны, проста ў месцы перасячэння дзяржаўных межаў. Ён знаходзіўся ў румынскай паветранай прасторы 4 хвіліны. Ён упаў у раёне, дзе няма рызыкі для насельніцтва. Відавочна, гэта беспілотнік з тэхнічнымі характарыстыкамі, якія некалькі адрозніваюцца ад тых, што мы бачылі дагэтуль», – сказаў Міруцэ.

Паводле яго слоў, Мінабароны краіны кожны раз з кожнага знойдзенага дрона здабывае штосьці, што лічыць «цікавым».

У той жа дзень у Малдове ў раёне Флорэшты паліцыя выявіла абломкі дрона, які па сваіх характарыстыках нагадвае «Герберу», а таксама быў абсталяваны ўбудаванай камерай.