Літва ўручыла Беларусі ноту пратэсту з-за метэазондаў

• 24.09.2026, 13:14

У Вільні заявілі пра пагрозу для грамадзянскай авіяцыі.

Міністэрства замежных спраў Літвы ўручыла ноту пратэсту часоваму паверанаму ў справах Беларусі з-за парушэння літоўскай мяжы метэазондамі з кантрабандай.

Шары заляцелі ў паветраную прастору Літвы з Беларусі ў ноч з 21 на 22 верасня.

Літоўскі МЗС падкрэсліў, што гэты інцыдэнт уяўляе прамую пагрозу бяспецы грамадзянскай авіяцыі. Давялося ўвесці часовыя абмежаванні на выкарыстанне паветранай прасторы, што паўплывала на грамадзянскія рэйсы і парушыла планы пасажырскіх перавозак.

«Літва разглядае гэты і іншыя падобныя выпадкі, зафіксаваныя ў апошнія месяцы, як сістэматычныя дзеянні гібрыднага характару, што ўяўляюць пагрозу нацыянальнай бяспецы», — гаворыцца ў паведамленні МЗС Літвы.

Ад прадстаўніка Беларусі запатрабавалі неадкладна забяспечыць эфектыўны кантроль за мяжой, прыняць эфектыўныя меры па барацьбе з арганізаванай злачыннасцю, звязанай з кантрабандай, і прадпрыняць іншыя неабходныя крокі.

«У выпадку паўтору падобных інцыдэнтаў Літва пакідае за сабой права прыняць дадатковыя меры для забеспячэння бяспекі дзяржаўнай мяжы, паветранай прасторы і грамадзянскай авіяцыі», — заявілі ў літоўскім знешнепалітычным ведамстве.