У Парыжы сотні тысяч чалавек прыйшлі на папскую імшу пад адкрытым небам

• 26.09.2026, 18:18

Чатырохдзённы візіт Папы Рымскага Льва XIV у Францыю выклікаў вялікі ажыятаж.

У суботу, 26 верасня, у Парыжы тысячы людзей пачалі збірацца на Елісейскіх палях напярэдадні адкрытай імшы з удзелам Папы Рымскага Льва XIV, якая павінна стаць галоўнай падзеяй яго чатырохдзённага візіту ў Францыю, паведамляе Reuters.

Як адзначаецца, на мерапрыемства зарэгістраваліся больш за 600 тысяч чалавек. Людзі, сярод якіх былі бацькі з маленькімі дзецьмі, пачалі накіроўвацца да бульвара яшчэ да світанку.

Імша павінна пачацца а 15:00 па мясцовым часе. Напярэдадні мерапрыемства паліцыя перакрыла прылеглыя вуліцы, па якіх Папа Леў павінен быў праехаць у адкрытым папамабілі.

Пантыфік знаходзіцца ў Францыі з чатырохдзённым візітам, падчас якога наведае тры гарады. Адной з мэтаў паездкі з'яўляецца аднаўленне даверу да Каталіцкай царквы пасля скандалаў, звязаных з сэксуальнымі злоўжываннямі духавенства, якія выклікалі значны грамадскі рэзананс у краіне.

Раней паведамлялася, што Папа Рымскі наведвае Францыю з афіцыйным візітам упершыню за 18 гадоў.