Падрыхтоўваецца вялікі абмен ваеннапалоннымі паміж Расіяй і Украінай

• 27.09.2026, 11:38

Буданаў агучыў прыблізны тэрмін.

Новы маштабны абмен ваеннапалоннымі паміж Украінай і Расіяй можа адбыцца ўжо на наступным тыдні. У Кіеве спадзяюцца на хуткую рэалізацыю дамоўленасцяў.

Пра гэта гаворыцца ў каментары кіраўніка Офіса Прэзідэнта Украіны Кірыла Буданава для Новости.LIVE.

Паводле слоў Буданава, навінаў аб абмене варта чакаць у найбліжэйшы час. Ён падкрэсліў, што працэс павінен адбыцца даволі хутка.

«Павінна быць увогуле вельмі хутка, у найбліжэйшы час. Думаю, на тыдні», — сказаў кіраўнік Офіса Прэзідэнта.

Журналістка ўдакладніла, ці мае ён на ўвазе наступны тыдзень. У адказ Буданаў заявіў: «Спадзяёмся на гэта».

Такім чынам, украінскі бок чакае, што маштабны абмен ваеннапалоннымі можа адбыцца ўжо ў найбліжэйшыя дні. У той жа час дакладную дату і іншыя падрабязнасці правядзення абмену пакуль не раскрываюць.