Прэзідэнт Сербіі падасць у адстаўку сёння ўвечары

• 27.09.2026, 15:28

Палітык адзначыў, што пазней патлумачыць сваё рашэнне.

Прэзідэнт Сербіі Аляксандар Вучыч абвясціў, што ў нядзелю ўвечары сыдзе ў адстаўку са сваёй пасады.

Пра гэта паведамляе РТС.

Вучыч заявіў журналістам у Нью-Ёрку, што, хутчэй за ўсё, падасць заяву аб адстаўцы каля 20:00 (21:00 па мінскім часе). Ён адзначыў, што пазней патлумачыць сваё рашэнне.

Напярэдадні ўвечары Вучыч заявіў у Instagram, што для яго вялікі гонар быць прэзідэнтам Сербіі. «Я кожны дзень стараўся рабіць усё магчымае, апраўдваць аказаны мне давер і верна і аддана служыць сваёй краіне. Няхай жыве Сербія!» – заявіў Вучыч.

9 верасня Вучыч па прапанове ўрада Сербіі распусціў парламент і прызначыў парламенцкія выбары на 25 кастрычніка.

Галоўны савет Сербскай прагрэсіўнай партыі вылучыў Вучыча лідэрам выбарчага спісу «Аб'яднаная Сербія» і кандыдатам на пасаду прэм'ер-міністра.

Датэрміновыя парламенцкія выбары даюць Вучычу магчымасць перафарматаваць уладу да заканчэння яго прэзідэнцкага тэрміну і захаваць палітычны ўплыў ужо на пасадзе прэм'ер-міністра.