Z-блогер: Вайна пажырае бюджэт РФ

• 27.09.2026, 18:15

Фінансавая дзірка вырасла на сотні мільярдаў за некалькі дзён.

Эканоміка Расіі ўжо ў бліжэйшы час будзе няздольная падтрымліваць ваенныя прымхі Крамля. Краіна выдыхаецца эканамічна. Пра гэта напісаў вядомы расійскі Z-блогер Максім Калашнікаў, перадае Dialog.UA.

Ён звярнуў увагу на тое, што дэфіцыт дзяржаўнага бюджэту РФ, паводле афіцыйных даных, ужо прабіў адзнаку ў 7 трлн рублёў, хоць планаваўся на ўзроўні 3,8 млрд рублёў. З 18 па 21 верасня, усяго за чатыры дні, фінансавая дзірка павялічылася на 421 млрд рублёў.

«Грошы, як казаў Напалеон Банапарт, — нерв вайны… Дарагая нафта не ратуе… Трывожнае становішча. Думаю, канец лістапада — надзвычайная сітуацыя з дзяржаўнымі фінансамі. Штосьці, вядома, дадуць даходы ад падаражэлай нафты, але яны не выправяць сітуацыю. А далей: або золата распрадаваць, або ператвараць банкаўскія ўклады прыватных асоб у аблігацыі. Бо запускаць друкарскі станок і эмісіяй латаць дзірку пры цяперашнім ладзе эканомікі — нарывацца на імклівы скачок інфляцыі. Што паскорыць ужо відавочнае падзенне вытворчасці ў РФ і тэмпы недабору даходаў. Калі павышэнне падаткаў вядзе да падзення іх збору. Вайна відавочна выдыхаецца эканамічна», — канстатаваў Калашнікаў.