ЗША ахапіў маштабны шторм

• 28.09.2026, 11:49

Найбольш пацярпелі тры штаты.

Моцны паўночна-ўсходні шторм (nor'easter) ў мінулыя выхадныя абрынуўся на ўсходняе ўзбярэжжа ЗША. З-за моцных ліўняў і ветру загінуў адзін чалавек, яшчэ чацвёра атрымалі раненні, паведамляе CNN са спасылкай на даныя на 27 верасня.

Найбольш пацярпелі штаты Нью-Ёрк, Масачусэтс (у прыватнасці, Бостан) і Нью-Джэрсі. Ліўні выклікалі паводкі, якія затапілі дамы і дарогі.

Парывы ветру валілі дрэвы: пад адным з іх загінуў 56-гадовы мужчына, паведамляе BBC. Сярод параненых ёсць дзеці.

Паводле даных CNN, праз непагадзь адмянілі каля 500 авіярэйсаў, яшчэ 4000 затрымалі. 26 верасня без электрычнасці засталіся больш за 110 тысяч дамоў і прадпрыемстваў. У прыватнасці, у Нью-Ёрку і Канэктыкуце без святла заставаліся больш за 20 тысяч чалавек. Да нядзелі, 27 верасня, колькасць абясточаных спажыўцоў на паўночным усходзе краіны скарацілася да 80 тысяч.

Губернатар Нью-Джэрсі Мікі Шэрыл заявіла, што з-за паводкі давялося эвакуяваць дзясяткі людзей, яшчэ дзясяткі выратавалі з аўтамабіляў і з затопленых дарог. Улады перакрылі некалькі аўтамагістраляў у рэгіёне.