Зяленскі прыехаў на фронт

• 30.09.2026, 15:33

Прэзідэнт Украіны ўзнагародзіў байцоў аперацыі «Вівальдзі» на Ліманскім напрамку.

Прэзідэнт Украіны Уладзімір Зяленскі адзначыў дзяржаўнымі ўзнагародамі воінаў 66-й брыгады на Ліманскім напрамку.

Пра гэта паведамляе Charter97.org са спасылкай на пост Зяленскага ў Telegram.

Сёння кіраўнік дзяржавы пабываў у пункце кіравання 66-й асобнай механізаванай брыгады імя князя Мсціслава Храбрага. Там ён сустрэўся з вайскоўцамі, якія выконваюць задачы на Ліманскім напрамку, і ўручыў ім дзяржаўныя ўзнагароды.

Таксама Зяленскі пагутарыў з камандзірам брыгады. Яны гаварылі пра задачы, якія выконвае падраздзяленне, і пра патрэбы брыгады.

66-я брыгада бярэ ўдзел у аперацыі «Вівальдзі». Паводле слоў Зяленскага, разам з іншымі падраздзяленнямі Трэцяга армійскага корпуса яна ўжо вярнула пад украінскі кантроль больш за 125 квадратных кіламетраў тэрыторыі.

Што абмеркавалі на нарадзе

На Ліманскім напрамку Зяленскі таксама правёў каардынацыйную нараду з камандзірамі карпусоў, брыгад і батальёнаў.

Вайскоўцы далажылі пра рашэнні па абаронных закупках, перадусім пікапаў на ўзроўні брыгад. Таксама гаварылі пра ўзмацненне Сіл беспілотных сістэм, павелічэнне сродкаў на дроны, больш простыя закупкі, пашырэнне штата, папаўненне і падрыхтоўку асабовага складу.

Ёсць патрэба ў далёкабойнай артылерыі, гэтае пытанне з вайскоўцамі ўзгаднілі. Камандзіры павінны падрыхтаваць прапановы па аплаце службы воінаў на перадавой.

Асобна прэзідэнт пагутарыў з камандзірамі карпусоў пра сітуацыю на фронце на ўсходзе і поўдні Украіны. Абмеркавалі развіццё дронных і антыдронных тэхналогій і новыя спосабы вядзення вайны. Таксама ішла гаворка пра вяртанне вайскоўцаў з СЗЧ (самавольнага сыходу з часці), прыцягненне замежнікаў і лагістыку.

«Усе пытанні на ўзроўні ваеннага камандавання павінны быць прапрацаваныя і абмеркаваныя на пасяджэнні Стаўкі. Працуем над тым, каб у нашых воінаў было больш магчымасцяў для абароны нашых пазіцый», — падкрэсліў Зяленскі.