Сёння — Міжнародны дзень зубра

У нашай краіне жывуць амаль тры тысячы лясных волатаў.

У Міжнародны дзень зубра (30 верасня) выйшаў чарговы том Міжнароднай радаслоўнай кнігі зуброў.

Беларусь заняла 3-е месца ў свеце па колькасці зуброў.

Польшча — 3491 зубр,

Расія — 3408 зуброў,

Беларусь — 2985 зуброў.

Усяго ў свеце цяпер 13 055 зуброў.

За год у Беларусі іх колькасць павялічылася на 58 асобін.

Буйныя папуляцыі лясных волатаў насяляюць адразу некалькі куточкаў краіны. Безагаворачны лідар — Белавежская пушча, дзе налічваецца каля 800 зуброў.

Далей ідуць Асіповіцкі вопытны лясгас, СПК «Азёры» ў Гродзенскім раёне і паляўнічае гаспадарства «Чырвоны Бор».

Шмат зуброў таксама жыве ў Палескім радыяцыйна-экалагічным запаведніку, Налібоцкім заказніку і Нацыянальным парку «Прыпяцкі».

Апошнія навіны