Трамп пацвердзіў вывад амерыканскіх войскаў з Ірака

• 30.09.2026, 21:24

Прэзідэнт ЗША заявіў пра завяршэнне «вылазкі ў пекла».

Прэзідэнт ЗША Дональд Трамп пацвердзіў вывад апошніх амерыканскіх вайскоўцаў з Ірака. Пра гэта ён напісаў у Truth Social.

«Мінула шмат часу, і было прынята вельмі шмат надзвычай няўдалых рашэнняў, з-за якіх мы ўвогуле апынуліся ўцягнутыя ў гэтую трасіну, але хутка гэта стане часткай гісторыі. Гэта вялікі дзень для Амерыкі і, што асабліва важна, мы сыходзім, пакідаючы Ірак з выдатным новым прэм’ер-міністрам Алі аль-Заіды», — дадаў амерыканскі лідар.

Трамп параўнаў бягучы працэс з вывадам войскаў з Афганістана ў 2021 годзе, які адбыўся пры яго папярэдніку-дэмакраце Джо Байдэне і стаў аб’ектам крытыкі цяперашняга прэзідэнта.

«У адрозненне ад Афганістана, дзе было пакінута шмат вайсковай тэхнікі і ўсяго астатняга, а 13 воінаў загінулі і многія атрымалі цяжкія раненні, гэты арганізаваны сыход сіл кааліцыі і тэхнікі з авіябазы Эрбіля азначае канец вельмі дарагой вылазкі ў пекла», — падкрэсліў рэспубліканец.