Coca-Cola зрабіла заяву пасля расійскага ўдару па заводзе ў Украіне

• 4.09.2026, 4:36

Прадпрыемства атакавалі беспілотнікі.

Расійскія акупанты ў чацвер, 3 верасня, нанеслі ўдар беспілотнікам па заводзе Coca-Cola у Кіеўскай вобласці. У выніку абстрэлу ніхто не пацярпеў.

Пра гэта кампанія паведаміла ў адказ на запыт РБК-Украіна.

«Мы пацвярджаем, што 3 верасня наш вытворчы аб’ект у Броварах атрымаў пашкоджанні ў выніку атакі беспілотніка. Мы рады пацвердзіць, што ўсе нашы работнікі ў бяспецы і не пацярпелі», — гаворыцца ў лісце.

Coca-Cola адзначае, што супрацоўнічае з адпаведнымі органамі ўлады для ацэнкі сітуацыі.

«Бяспека і дабрабыт нашых работнікаў застаюцца нашым галоўным прыярытэтам», — адзначылі ў кампаніі.