Удар па тылах РФ на 1500 км: у Германіі будуюць 5 тысяч дронаў для Украіны

• 4.09.2026, 8:16

Першыя апараты ўжо вырабленыя.

У Мюнхене запушчана масавая вытворчасць больш за 5 тыс. далёкага радыуса дзеяння ўдарных БПЛА для Украіны. Першыя апараты ўжо створаныя. Пра гэта паведаміла выданне Handelsblatt.

Сумеснае прадпрыемства нямецка-амерыканскай абароннай кампаніі Auterion і ўкраінскай Airlogix было створанае ў лютым гэтага года. У бліжэйшы час плануецца запуск яшчэ адной вытворчай пляцоўкі ва ўсходняй частцы Германіі.

Замова агульным коштам 300 млн еўра паступіла ад урада Германіі. Выканаць яе плануюць да сярэдзіны 2027 года.

У межах гэтай замовы будуць вырабляцца дзве мадэлі БПЛА. Адна з іх мае сярэднюю далёкасць палёту, другая здольная пераадольваць да 1500 км.

Auterion адказвае за праграмнае забеспячэнне і сістэму кіравання беспілотнікамі, а Airlogix вырабляе самі апараты. Дроны прызначаныя для ўдараў па тыловых аб’ектах РФ.

Асаблівасцю БПЛА з’яўляецца ўкаранёная тэхналогія штучнага інтэлекту. З яе дапамогай беспілотнік зможа працягваць рух да мэты, нягледзячы на актыўную працу варожай РЭБ.

«Ужо сёлета мы паставім правераныя і надзейныя сістэмы па цане і з такой хуткасцю вытворчасці, якія сапраўды дазволяць ствараць вялікія запасы для стрымлівання», — сказаў ён.

Кіраўнік Airlogix Віталій Калеснічэнка адзначыў важнасць такога супрацоўніцтва.

«Гэта партнёрства аб’ядноўвае тое, чаго ні адна з кампаній не здолела б дасягнуць самастойна: нашы правераныя ў баях БПЛА, аўтаномнае праграмнае забеспячэнне Auterion і прамысловыя магчымасці Германіі», — заявіў Калеснічэнка.