Украінскія беспілотнікі знішчылі ЗРК «С-400», які прыкрываў стратэгічныя аб’екты ў Сочы

• 4.09.2026, 9:52

Камплекс перадусім абараняў марскі порт і буйную нафтабазу ў Адлеры.

Уначы на 4 верасня Сілы абароны Украіны атакавалі ваенныя аб’екты ў Краснадарскім краі Расіі. Паводле папярэдняй інфармацыі, у раёне Сочы знішчаны зенітна-ракетны комплекс «С-400». Пра гэта піша Диалог.UA пасля маніторынгу сацыяльных сетак.

Паветраную трывогу ў Краснадарскім краі 4 верасня абвясцілі неўзабаве пасля поўначы. Пазней жыхары Сочы паведамілі пра некалькі выбухаў.

Сцвярджаецца, што ўкраінскія БПЛА атакавалі зенітна-ракетны комплекс «С-400», які прыкрываў стратэгічныя аб’екты ў гэтым раёне (перадусім марскі порт і буйную нафтабазу ў Адлеры).

Губернатар Краснадарскага краю Веніямін Кандрацьеў на момант напісання гэтай навіны яшчэ ніяк не каментаваў сітуацыю ў рэгіёне.

Затое аператыўны штаб Краснадарскага краю паведаміў, што расійская СПА ў Сочы і ў суседнім пасёлку Сірыус спрабуе адбіць масіраваную атаку ўкраінскіх беспілотнікаў.

Паводле яго слоў, на месцах выяўлення абломкаў БПЛА працуюць аператыўныя і спецыяльныя службы. С-400 — гэта расійскі зенітна-ракетны комплекс сярэдняга і вялікага радыусу дзеяння, які армія РФ прыняла на ўзбраенне ў 2007 годзе. У НАТА яго класіфікуюць як SA-21 Growler.

ЗРК «С-400» з дапамогай радара выяўляе паветраныя мэты на адлегласці да 600 км, а збівае іх на адлегласці да 400 км (у залежнасці ад тыпу зенітнай ракеты) і на вышыні да 30 км.