Першы беларускі прэпарат для тэрапіі ВІЧ плануюць выпускаць пад Лагойскам

• 4.09.2026, 9:55

Даследаванні праводзіліся на здаровых добраахвотніках.

Ужо ў бягучым годзе плануецца запуск вытворчасці першага беларускага прэпарата для тэрапіі ВІЧ-інфекцыі — «Долутегравир-АМ». Пра гэта дзяржаўнаму выданню «Мінская праўда» паведаміла дырэктар ТАА «АмантисМед» у Лагойску Елена Серкова.

«АмантисМед» у гэтым годзе плануе выпуск першага беларускага прэпарата для тэрапіі ВІЧ-інфекцыі — «Долутегравир-АМ».

«Прэпарат паспяхова прайшоў выпрабаванні на ідэнтычнасць арыгінальнаму прэпарату», — паведаміла дырэктар фармпрадпрыемства.

Даследаванні праводзіліся на здаровых добраахвотніках на базе сертыфікаваных клінічных цэнтраў паводле пратакола, зацверджанага Мінздароўем. Статыстычна даказана, што хуткасць і ступень ўсмоктвання даследаванага джэнерыка не адрозніваюцца ад параметраў арыгінальнага прэпарату.

Таксама нядаўна «АмантисМед» зарэгістраваў яшчэ два новыя прэпараты: для лячэння захворванняў горла і паражніны рота і для лячэння цукровага дыябету.

Усяго на сёння кампанія выпускае больш за 70 лекаў розных дазіровак і фасовак.