У Малдове пачаліся вайсковыя вучэнні з удзелам ЗША і Румыніі

• 4.09.2026, 16:14

Манёўры працягнуцца два тыдні.

У Малдове цягам наступных двух тыдняў будуць праходзіць вайсковыя вучэнні «Агнявы шчыт», у якіх таксама прымуць удзел румынскія і амерыканскія вайскоўцы, паведамляе Newsmaker.

З 4 па 19 верасня ў Малдове будуць праходзіць вайсковыя вучэнні «Агнявы шчыт» з удзелам вайскоўцаў з Малдовы, Румыніі і ЗША.

Вучэнні будуць праходзіць на тэрыторыі вучэбных цэнтраў у розных частках краіны. Мэта — павышэнне аператыўнай сумяшчальнасці паміж арміямі трох краін. Кіруючую ролю будзе адыгрываць Малдова.

У Міністэрстве абароны Малдовы паведамілі, што ў сувязі з манёўрамі на дарогах можна будзе бачыць вайсковую тэхніку. Перакідванне будзе ажыццяўляцца пераважна ў начны час.

Вучэнні «Агнявы шчыт» праводзяцца штогод з 2015 года.