Расійскі дрон ударыў па кабінеце кіраўніка СБУ ў Кіеве

• 4.09.2026, 17:03

Зяленскі даручыў падрыхтаваць «люстэркавы» адказ.

Сёння расійскі дрон трапіў у будынак Службы бяспекі Украіны ў цэнтры Кіева. Беспілотнік ударыў па кабінеце кіраўніка СБУ Аляксандра Поклада. Пра гэта паведаміў прэзідэнт Уладзімір Зяленскі па выніках размовы з Покладам.

«На жаль, адбылося трапленне расійскага дрона ў цэнтральны будынак СБУ на вуліцы Уладзімірскай у Кіеве насупраць Сафійскага сабора. Усе экстранныя службы на месцы. Усем пацярпелым будзе аказаная неабходная дапамога. Дрон быў накіраваны проста ў кабінет кіраўніка СБУ ў гэтым будынку», — падкрэсліў Зяленскі.

Як дадаў прэзідэнт, ён «паставіў перад Покладам задачу адэкватна, адчувальна і, па магчымасці, люстэркава адказаць расіянам на гэты ўдар, калі ўсё будзе падрыхтавана».

«Нашы вайскоўцы падтрымаюць гэты адказ», — заявіў Зяленскі.