На мяжы пасажыры змогуць бясплатна перасесці ў аўтобус бліжэй да шлагбаўма

• 4.09.2026, 17:45

Магчымасць даступная толькі пасажырам «Мінсктранса».

Пасажыры міжнародных рэйсаў «Мінсктранса» цяпер могуць бясплатна перасесці ў іншы аўтобус прадпрыемства ўжо ў зоне чакання перад пунктам пропуску. Гэта дазваляе заняць месца ў аўтобусе, які знаходзіцца бліжэй да шлагбаўма і раней пройдзе мяжу, піша выданне «Наш портал».

Скарыстацца такой магчымасцю могуць толькі тыя пасажыры, якія першапачаткова ехалі міжнародным рэйсам «Мінсктранса». Акрамя таго, у аўтобусе, які знаходзіцца наперадзе ў чарзе, павінны быць свабодныя месцы.

Перасадка адбываецца непасрэдна ў зоне чакання перад уездам на тэрыторыю пункта пропуску і не патрабуе дадатковай аплаты. Калі ў аўтобусе наперадзе няма свабодных месцаў, перасесці ў яго не атрымаецца.