Трамп заявіў, што Пуцін не будзе нападаць на НАТА

• 4.09.2026, 23:25

Прэзідэнт ЗША сказаў, што «добра ведае» расійскага дыктатара.

Прэзідэнт ЗША Дональд Трамп заявіў, што расійскі дыктатар Уладзімір Пуцін не мае намеру атакаваць тэрыторыю краін НАТА.

Пра гэта ён заявіў у пятніцу, 4 верасня, падчас брыфінгу ў Авальным кабінеце, паведамляе (Clash Reporthttps://twitter.com/clashreport/status/2095946787655671877).

«Я маю зносіны з Пуціным, я яго вельмі добра ведаю. У Пуціна няма намераў атакаваць тэрыторыю НАТА», — сказаў Трамп.

Таксама ён чарговы раз паўтарыў тэзіс пра тое, што паміж прэзідэнтам Украіны Уладзімірам Зяленскім і кіраўніком Крамля існуе «сур'ёзная нянавісць».

«Там існуе праблема асобаў. Зяленскі і Пуцін — яны сапраўды ненавідзяць адзін аднаго. Вы ведаеце, што такое нянавісць? У іх сур'ёзная нянавісць. Гэтая нянавісць ім замінае», — сказаў кіраўнік Белага дома.

27 жніўня Трамп заявіў, што яго не турбуе магчымасць нападу Расіі на краіны НАТА.

«Я не занепакоены… зусім. Ніякай праблемы няма», — сказаў Трамп, калі яго спыталі пра магчымую расійскую правакацыю супраць краін НАТА.