Беларускі футбаліст выратаваў чалавека, які тануў

• 5.09.2026, 16:37

Яго ўзнагародзілі.

Беларускі футбаліст выратаваў чалавека, які тануў. Ідзе гаворка пра Кірыла Нехіна — абаронцу клуба «Агра-Палессе» з Камянца, які выступае ў другой лізе, — піша football.by.

Улетку гэтага года Нехін адпачываў на пляжы ў Брэсце, калі здарылася крытычная сітуацыя: адзін з адпачывальнікаў пачаў тануць і стаў зваць на дапамогу. Футбаліст не разгубіўся і, не вагаючыся, кінуўся ў ваду, каб выратаваць чалавека.

За праяўленую мужнасць Таварыства выратавання на вадзе ўзнагародзіла Кірыла ганаровай граматай.