У Варшаве прайшоў пяты юбілейны фестываль беларускай музыкі Graj

• 6.09.2026, 9:38

Было моцна, шчыра і максімальна па-беларуску.

5 верасня ў варшаўскім клубе Niebo адбыўся юбілейны — ужо пяты — фестываль беларускай музыкі Graj, паведамляе Charter97.org.

За апошнія гады падзея стала адным з ключавых культурных мерапрыемстваў для беларускай супольнасці ў Польшчы і за яе межамі. Фестываль штогод аб’ядноўвае найлепшых музыкаў і сотні аматараў жывай музыкі, ствараючы прастору для сустрэч, творчасці і натхнення.

Сёлета сцэна Graj выбухнула энергіяй і эмоцыямі дзякуючы яскраваму складу:

Rodvaloth

RaState

Volski

J:Морс

Dzieciuki

«Дай Дарогу!»

«Разбітае Сэрца Пацана»

«Будзе моцна, шчыра і максімальна па-беларуску!», — абяцалі напярэдадні арганізатары. Так яно і аказалася, у чым можна пераканацца дзякуючы фатарэпартажу Charter97.org.

Акрамя музыкі, на фестывалі працаваў арт-маркет, дзе можна было набыць унікальныя вырабы беларускіх майстроў. Таксама быў праведзены дабрачынны аўкцыён.