Дроны атакавалі Растоўскую вобласць РФ

• 6.09.2026, 10:31

Прагрымела серыя выбухаў.

У Растоўскай вобласці РФ прагрымела серыя выбухаў пасля пралёту дронаў. Паводле паведамленняў мясцовых жыхароў, БПЛА рухаліся ў бок гарадоў Батайска і Растова.

У пабліках расійскага рэгіёна пішуць пра гучныя выбухі, гукі дронаў і стральбу. Пра гэта паведамляе паблік Exilenova+.

«У Батайску Растоўскай вобласці працуе СПА. СПА таксама працягвае працаваць у Растоўскай вобласці», — гаворыцца ў паведамленні.

На дадзены момант дакладных звестак пра тое, дзе менавіта ляталі дроны і якія аб’екты падвергліся атацы, пакуль няма. Акрамя таго, мясцовыя ўлады не пракаментавалі наступствы ўдару.

Пазней асінтэры паведамілі, што жыхары Растоўскай вобласці кажуць пра новыя пралёты дронаў. Расіяне скардзяцца, што чуюць выбухі і працу мясцовай СПА.