Пуцін падтрымаў прапанову адзінараса прыцягваць да вайсковай службы людзей з шызафрэніяй

• 6.09.2026, 13:59

А таксама людзей з адной ныркай і ВІЧ-інфікаваных.

Уладзімір Пуцін на сустрэчы з пяцёркай лідараў перадвыбарчага спісу партыі «Адзіная Расія» 5 верасня падтрымаў ініцыятыву дазволіць добраахвотнікам з катэгорыяй прыдатнасці да вайсковай службы «Д» служыць у рэгіянальных падраздзяленнях па супрацьдзеянні беспілотнікам. З такой прапановай выступіў ваенны карэспандэнт Яўген Паддубны, напісаў «Росбалт».

Паводле слоў Паддубнага, з такой просьбай да яго звярнуліся ветэраны «СВА», якія атрымалі цяжкія раненні і пазней былі прызнаныя непрыдатнымі да вайсковай службы. Пуцін падтрымаў ініцыятыву і заявіў, што дасць даручэнне Мінабароне і Генштабу.

Як адзначыў «Коммерсант», цяпер грамадзянін з катэгорыяй «Д» непрыдатны да вайсковай службы і не можа трапіць у войска нават добраахвотнікам.

Такую катэгорыю могуць прысвоіць чалавеку з адной ныркай, з эпілептычнымі прыступамі не радзей за пяць разоў на год, з адкрытай формай туберкулёзу, з інтэлектуальнай недастатковасцю, ВІЧ, анкалагічнымі захворваннямі з метастазамі, шызафрэніяй і іншымі хваробамі.