Шпіц выклікаў замяшанне на Мінскім паўмарафоне

• 8.09.2026, 9:32

Сталічная міліцыя разбіраецца ў сітуацыі.

У Мінску 6 верасня праходзіў паўмарафон. У ім удзельнічала і сабака пароды шпіц. Відэа пра тое, як мужчына цягнуў яго па плітцы падчас забегу, завірусілася ў Threads — пост набраў больш за 250 тысяч праглядаў за некалькі гадзін. Адрэагавалі і ў ГУУС Мінгарвыканкама, паведамляе «Зеркало».

«Мінск. Дно прабіта. Учора паўгорода бегла. Аказваецца, яшчэ і з жывёламі!

У акаўнце спачатку горда размясцілі гэты рылз, а потым выдалілі», — напісала аўтарка допісу.

Арганізатараў паўмарафону яна абвінаваціла ў падтрыманні жорсткага абыходжання з жывёламі, адзначыла і мінскую міліцыю.

Папулярныя каментарыі такія (нецэнзурныя — у топе):

«А давайце бегуна прывяжам да спартыўнай машыны і разам пасмяемся, і медалькай узнагародзім, калі да фінішу дацягне. Што за п***ец адбываецца?»

«Падтрымліваю і прасоўваю. У прынцыпе вельмі шмат пытанняў да «Мінскага паўмарафону». Убачыць гумар там, дзе жывёле баліць. Ніяк не адрэагаваць на смерць падчас самога паўмарафону і не звязацца з роднымі… Няма слоў».

«Усе малайцы проста — і гаспадар, і тыя, хто здымаў ролік і не зрабіў заўвагу не вельмі разумнаму грамадзяніну, і акаўнт арганізатараў, які ўбачыў у гэтым забаўны жарт, які можна выкласці ў сетку».

«Які жах, нічога не зменіцца, пакуль не будзе крымінальнай адказнасці за жорсткае абыходжанне з жывёламі».

«А можна неяк напісаць заяву ў міліцыю, нам арганізатары не скажуць, а міліцыі скажуць імя гэтага вырадка. Хай гэтая тварюка адкажа».

«Не смяшыце інтэрнэт». У Пінску міліцыянеры шукалі мёртвых галубоў — не знайшлі і вырашылі выказацца пра хайп

Пасля пералічаных вышэй выказванняў адрэагаваў і акаўнт мінскай міліцыі:

«Добры дзень. Па дадзеным факце зарэгістраваны матэрыял праверкі».