Беларуска заваявала сем залатых медалёў на чэмпіянаце Польшчы

• 8.09.2026, 15:40

Карына Козлоўская стала абсалютнай пераможцай спаборніцтваў.

Беларуска з польскім пашпартам Карына Козлоўская зрабіла фурор на чэмпіянаце Польшчы па стральбе з лука сярод дарослых (Mistrzostwa Polski Seniorów 2026), паведамляе DzikMedia.

Спартсменка, якая ў 2020 годзе падтрымала беларускі народ і пасля гэтага ўжо не змагла выступаць на радзіме, заваявала сем залатых медалёў з сямі магчымых.

Цяпер Козлоўская прадстаўляе клуб LKS Łucznik Żywiec. На спаборніцтвах у Беластоку яна атрымала абсалютную перамогу ва ўсіх дысцыплінах.

Нават складаныя пагодныя ўмовы — ліўневы дождж і навальніца — не перашкодзілі беларусцы паказаць максімальны вынік ва ўсіх відах праграмы.

«Гэта былі складаныя, але незабыўныя спаборніцтвы», — адзначыла спартсменка.

Козлоўская таксама падзякавала за падтрымку родных, каманду і партнёраў InPost і MK Archery.