Ракетны ўдар па цэнтры Данецка: ліквідаваны высокапастаўлены афіцэр арміі РФ

• 8.09.2026, 15:47

ЗСУ атакавалі камандны пункт акупантаў.

Расійскія некралогі далі яшчэ адно пацверджанне страт сярод афіцэрскага складу РФ пасля ўкраінскага ракетнага ўдару па камандных пунктах у цэнтры акупаванага Данецка. У публікацыях усплыло імя падпалкоўніка Дзяніса Паўлава, які загінуў 26 жніўня 2026 года ў Данецку, — піша «Дыялог».

Паводле звестак з некралогаў, Паўлаў скончыў Казанскае вышэйшае ваеннае танкавае вучылішча і Ваенную акадэмію матэрыяльна-тэхнічнага забеспячэння імя Хрулёва. З 22 лютага 2022 года ён удзельнічаў у расійскай вайне супраць Украіны і быў двойчы ўзнагароджаны ордэнам Мужнасці.

Раней паведамлялася, што ў выніку ўкраінскага ўдару па камандным пункце Узброеных сіл РФ у акупаваным Данецку быў ліквідаваны старшы афіцэр штаба 41-й арміі Расіі. З’яўленне імя Паўлава ў некралогах можа сведчыць пра тое, што ўдар сапраўды прыйшоўся па месцы, дзе знаходзіліся прадстаўнікі расійскага камандавання.