Расійскі добраахвотнік «Цэзар»: Бунту ў Расіі быць

• 8.09.2026, 19:45

РФ рызыкуе паўтарыць 1917-ы год.

Калі ваенкаматы пачнуць лавіць усіх падрад і адпраўляць ваяваць ва Украіну, то з цягам часу гэта прывядзе да таго, што ўзнікнуць бунты, выказаў меркаванне «Цэзар». Калі хто і падымецца супраць дзеючай улады ў Расіі, дык гэта людзі ў форме, якія не хочуць ваяваць.

Пра гэта Максіміліян Андроннікаў расказаў у інтэрв’ю для Алесі Бацман на YouTube.

«Бунту ў Расіі быць. Чаму? Першым фактарам стане тое, што армія агрэсара цалкам абяскроўленая, і цяпер усе гэта разумеюць, і з кожнай “праскі” гучыць, што мабілізацыя будзе. Яны будуць патаемна таксама “красці” людзей, але гэты працэс узмоцніцца шматкроць. Замест тысячы штодзень яны будуць вымушаныя па дзве, тры і пяць тысяч у дзень адпраўляць у армію. Нам, вядома, стане вельмі цяжка, але яны ўжо будуць адпраўляць людзей, якія не хочуць ісці на гэту вайну, у адрозненне ад зэкаў, п’яніц, бамжоў і наркаманаў. Вось гэтыя людзі і зруйнуюць гэтую сістэму знутры, як яны зрабілі ў 1917 годзе», — упэўнена заявіў баец «Свабоды Расіі».

Таксама «Цэзар» паведаміў, у які момант у РФ можа адбыцца бунт: «Калі хтосьці будзе не згодны адпраўляцца ў армію, армія даволі хутка зможа палітызавацца. Яна цяпер абсалютна апалітычная. Калі армія палітызуецца, для Пуціна гэта будзе канец, бо палітызаваная армія, якая разумее, што вядзе няправільную вайну, не ў інтарэсах народаў Расіі, што гэтая вайна знішчае Расію, выступіць супраць дзеючай улады».