Літва правяла буйную аперацыю па спыненні кантрабанды беларускіх цыгарэт

• 8.09.2026, 21:09

Затрымалі трох літоўскіх памежнікаў.

У Літве паведамілі пра правядзенне буйной аперацыі па затрыманні падазраваных у кантрабандзе беларускіх цыгарэт. Сярод затрыманых — тры памежнікі, праінфармавала Служба аховы дзяржаўнай мяжы Літвы.

Аперацыю па затрыманні сямі падазраваных праводзілі 6–7 верасня. Усё пачалося з перахопу 22 каробкі беларускіх цыгарэт, якія, верагодна, даставілі з нашай краіны беспілотнікам.

Спачатку затрымалі дваіх, якія прыехалі па груз, а пасля — двух малодшых спецыялістаў памежнага паста, якія знаходзіліся на дзяжурстве падчас інцыдэнту.

Амаль адначасова ўначы затрымалі яшчэ дваіх чалавек, падазраваных у арганізацыі перавозкі гэтай кантрабанды. Ужо раніцай быў затрыманы галоўны следчы аднаго з памежных атрадаў.