Радэк Шырл: «БАТЭ заслужыў права выступаць у Лізе чэмпіёнаў»

• 22.10.2008, 9:56

Пасля матчу групавога этапа Лігі чэмпіёнаў супраць БАТЭ (1:1) паўабаронца «Зеніта» Радэк Шырл заявіў, што беларускі клуб заслужыў права ўдзельнічаць у наймацнейшым еўрапейскім кубкавым турніры.

«Мы гулялі добра, але нажаль, толькі нічыя. Нерэалізаваныя моманты нас забіваюць. БАТЭ – нядрэнная каманда, у першую чаргу, у нападзе. У нападзе яны былі значна лепшыя, чым у абароне, але скарыстацца мы гэтым не змаглі. Аб недаацэнцы БАТЭ я бы не казаў. Мы маглі весці ў першым тайме і 2:1, і 3:1, але не забілі. Несумнеўна, БАТЭ заслужыў права выступаць у Лізе чэмпіёнаў, але сёння мы ўсё роўна былі лепш», – адзначыў Шырл.