Настаўніца займалася «вайскова-патрыятычным» выхаваннем: вучня шпіталізавалі

• 21.05.2009, 12:36

У сярэдняй школе №27 Бабруйска настаўніца ўдарыла вучня па галаве. У выніку хлопец быў шпіталізаваны з разрывам судзінаў галаўнога мозгу.

Дырэктарка школы Наталля Канавалава арганізавала агульны сход, на якім прасіла бацькоў не распаўсюджваць інфармацыю пра здарэнне і не даваць справе ходу, перадае «Еўрарадыё».

Між тым, гэтая школа славіцца як сама мілітарызаваная ў краіне: тут былі створаныя вайскова-патрыятычныя класы, вучні якіх атрымліваюць вайсковую падрыхтоўку і носяць адпаведную форму. Выпускнікі гэтых класаў збольшага ідуць у Вайсковую акадэмію.