Беларускаму лётчыку больш не пагражае смяротнае пакаранне ў Тайландзе

• 19.01.2010, 10:26

З арыштаваных у Тайландзе членаў экіпажа Іл-76 знялі абвінавачванне ў захоўванні выбуховых рэчываў.

Аднак ёсць і іншыя абвінавачванні, па якім пакаранне можа скласці да дзесяці гадоў пазбаўлення волі. Пра гэта, як перадае БелаПАН, паведаміў афіцыйны прадстаўнік МЗС Казахстана.

«Іл-76», які рухаўся з Паўночнай Карэі, быў затрыманы падчас дазапраўкі ў Бангкоку ў снежні. На борце самалёта знайшлі 35 тон зброі. У складзе экіпажа адзін грамадзянін Беларусі і трое грамадзянаў Казахстана. Яны заяўляюць, што не ведалі аб характары грузу на борце і, такім чынам, не могуць несці адказнасці.

Членам экіпажа - чатыром грамадзянам Казахстана і грамадзяніну Беларусі - былі прад'яўленыя абвінавачванні ў незаконным захоўванні зброі і паведамленні загадзя ілжывых звестак аб характары грузу ўладам Тайланда.

Замежная прэса выказала розныя версіі паходжання зброі, партыя якога знаходзілася на борце затрыманага 12 снежня ў Тайландзе самалёта Іл-76.

Расейскія СМІ сцвярджалі, Іл-76 быў зафрахтаваны праз украінскую кампанію для перавозкі грузу ва Украіну, у кіеўскі аэрапорт Барыспаль. А брытанская газета «Гардыян» са спасылкай на свае ўкраінскія крыніцы заявіла, што зыходным пунктам палёту Іл-76 была Беларусь, а ў Кіеве ён усяго толькі садзіўся на дазапраўку на шляху ў Паўночную Карэю. Пры гэтым, адзначае выданне, загрузка 40 тон зброі і боепрыпасаў была ажыццёўлена ў Пхеньяне.