Ангельскія стадыёны забараняюць выкарыстанне вувузелаў

• 21.07.2010, 11:32

Лонданскі футбольны клуб «Арсенал» забараніў выкарыстанне вувузелаў заўзятарамі падчас хатніх матчаў каманды.

Пранос афрыканскіх дудак на «Эмірэйтс» забаронены для забеспячэння камфорту і бяспекі наведнікаў арэны, інфармуе «Прэсбол» са спасылкай на sports.ru.

У панядзелак аналагічную забарону на вувузелы наклаў «Тотэнхэм», а крыху раней гэта зрабілі «Кардзіф», «Іпсвіч», «Лестэр» і «Саўтгемптан», якія прадстаўляюць чэмпіёншып.