YouTube змяніў лагатып напярэдадні здымак першага ў гісторыі глабальнага фільма

• 22.07.2010, 13:09

Папулярны відэасэрвіс YouTube змяніў лагатып за два дні да пачатку здымак першага глабальнага фільма Жыццё за адзін дзень, які будзе зняты інтэрнэт-карыстальнікамі на працягу аднаго дня - 24 ліпеня 2010.

Цяпер каля лагатыпа YouTube з'явіўся глобус, а таксама надпіс 02 DAYS (2 дня), нагадваючы, што да здымак глабальнага фільма засталося два дні. Пры націсканні на 02 DAYS адкрываецца афіцыйная старонка праекту Жыццё за адзін дзень паведамляе «Корреспондент.net».

Нагадаем, што 24 ліпеня адбудзецца дакументальная здымка аднаго дня з жыцця нашай планеты.

Жыццё за адзін дзень - гэта эксперымент сусветнага маштабу: упершыню ў гісторыі кінематографа дакументальны фільм здымуць за адзін дзень тысячы карыстальнікаў інтэрнэту па ўсім свеце. 24 ліпеня ў вас будзе 24 гадзіны, каб захаваць эпізод са свайго жыцця на камеру.Самыя цікавыя і незвычайныя кадры будуць сабраны ў эксперыментальны фільм, прадзюсарам якога выступіць Рыдлі Скот, а рэжысёрам - Кевін Макдональд.

Прэм'ера фільма адбудзецца на кінафестывалі Sundance ў студзені 2011 года. Калі ваш матэрыял увойдзе ў канчатковую версію фільма, вы будзеце паказаныя ў якасці суаўтара і ў ліку яшчэ 20 удзельнікаў запрошаныя на Sundance.