Вайскоўцам павялічаць заробкі

• 24.10.2011, 13:44

У сілу ўступіў ўказ Лукашэнкі ад 30 верасня 2011 года.

Павышэнне будзе праходзіць у два этапы. З 1 кастрычніка гэтага года аплата па воінскім званні павялічылася на 100 тысяч рублёў незалежна ад пасады і выслугі.

А з 1 лістапада аклад па воінскім званні ўсіх катэгорый вайскоўцаў падвысіцца яшчэ на 250 тысяч рублёў.

У выніку ўсё вайскоўцы - ад радавога да генерала - атрымаюць дадатак да грашовага забеспячэння ў 350 тысяч рублёў. У сярэднім грашовае забеспячэнне вайскоўцаў павялічыцца на 56%, паведамляе БелаПАН.