У Менску разграмілі кватэру «маладафронтаўцаў»

• 27.04.2012, 9:03

26 красавіка невядомыя трапілі ў кватэру, якую здымаюць актывісты «Маладога фронту».

Падчас налёту ў кватэры нікога не было. З яе знікла агітацыйная прадукцыя па «антыалкагольнай» кампаніі, асабістыя рэчы былі раскіданыя па падлозе, паведамляе mfront.net.

Налёт мае ўсе рысы ператрусу, праведзенага спецслужбамі, аднак застаецца незразумелым, якім чынам і паводле якога закону патэнцыйныя налётчыкі патрапілі ў кватэру. Абставіны высвятляюцца.