Мазыранін у начным клубе расстраляў незнаёмца з пнеўматыкі

• 29.11.2017, 21:47

Да гэтага маладыя людзі пасварыліся ў начным клубе.

19-гадовы мазыранін страляў з пнеўматыкі ў незнаёмца. Дагэтуль маладыя людзі пасварыліся ў начным клубе. Паводле факта асабліва злоснага хуліганства распачатая крымінальная справа, паведамляе tut.by.

Тры стрэлы ва ўпор і кантрольны ў галаву. Адна з куль ледзь не трапіла пацярпеламу ў вока, пашкодзіўшы верхняе павека.

Маладыя людзі адпачывалі ў той вечар у начным клубе ў розных кампаніях. Узнікла невялікая сварка. Ужо пасля завяршэння дыскатэкі ап’янелы маладзён затаіўшы крыўду пайшоў да сваёй машыны, узяў адтуль пнеўматычны пісталет і адправіўся на разборкі.

На месцы злачынства яго затрымалі міліцыянты, што дзяжурылі паблізу. Падазраваны ўзяты пад варту. За асабліва злоснае хуліганства яму пагражае да 10 гадоў турмы.