У Крыме бацькі назвалі свайго сына Біткойнам

• 20.12.2017, 21:26

Сямейная пара з Сімферопаля назвала свайго нованароджанага сына ў гонар самай дарагой крыптавалюты ў свеце.

Пра гэта паведамляе РІА «Новости» Украіна.

Бацька хлопчыка Алег растлумачыў, што абавязаны біткойну сваім фінансавым дабрабытам, і таму захацеў выказаць такім чынам «падзяку крыптаіндустрыі».

Больш за тое, жыхар Сімферопаля ўжо прыдумаў імёны для сваіх будучых дзяцей. Калі ў пары народзіцца дачка, то яе назавуць Даша - у гонар крыптавалюты Dash. А другога сына Алег плануе назваць Сатошы, гэтак жа, як называе сябе міфічны стваральнік біткойна.

Біткойн Алегавіч нарадзіўся вагой тры кілаграмы і цалкам здаровы, паведамляецца ў артыкуле.

Біткойн з'яўляецца асноўнай і самай дарагой крыптавалютай у свеце. Яна была распрацаваная чалавекам ці групай, якая называе сябе Сатошы Накамота. Першы запуск біткойна адбыўся 3 студзеня 2009 года. За мінулы год пікавы кошт гэтай крыптавалюты вырас у 20 разоў.

У ноч на 20 снежня, аднак, назіралася рэзкае падзенне курсу криптовалюты - биткоин патаннеў больш чым на 15%.