Фотафакт: Беларускі дальнабойнік «зайцам» прабраўся на платную аўтастраду і паехаў сустрэчнай паласой

• 21.12.2017, 11:18

Інцыдэнт адбыўся ў Польшчы, недалёка ад Познані.

Платная аўтастрада, на якой адбыўся інцыдэнт, працуе паводле наступнага прынцыпу: перш чым кіроўца патрапіць на платную дарогу, яму неабходна праехаць праз браму. Звычайна яна зачыняецца толькі ў адзін бок: альбо на ўезд, альбо на выезд. Калі брама зачыненая, трэба аплаціць праезд перш, чым яна адчыніцца. На заходняй аўтастрадзе Польшчы, недалёка ад Познані, беларускі дальнабойнік скарыстаўся тым, што праезд быў адкрыты, але патрапіў на сустрэчную паласу.

«Беларус заехаў «зайцам» праз адчыненую браму аўтастрады паласой, прызначанай для выезду, а далей ён змог рухацца толькі сустрэчнай паласой, - піша Euroby.info. - Палосы процілеглых кірункаў руху на аўтастрадзе падзеленыя паміж сабой металічнай агароджай. Дальнабойнік заўважыў сваю памылку даволі хутка, а не каля Варшавы».

Разгарнуць буйнагабарытную фуру на трасе было немагчыма. Ехаць наперад нельга, пад звілісты з'езд ехаць таксама небяспечна. Беларусу давялося чакаць паліцыянтаў, якія пракантралявалі бяспечны выезд з аўтастрады і аштрафавалі яго на 500 злотых (крыху больш за $140).