Паляк Павел Станчак узначаліў «Укртрансгаз»

• 24.12.2017, 21:39

Раней ён быў віцэ-прэзідэнтам гэтага акцыянернага таварыства.

З 23 снежня новым кіраўніком украінскай дзяржаўнага прадпрыемства «Укртрансгаз» прызначаны паляк Павел Станчак. Раней ён быў віцэ-прэзідэнтам гэтага акцыянернага таварыства.

Пра гэта паведамляе выданне «Зеркало недели» са спасылкай на крыніцы ў НАК «Нафтагаз Украіны».

Рэсурс нагадвае, што ў канцы жніўня польскага спецыяліста абралі на пасаду прэзідэнта кампаніі «Укртрансгаз». Тады распаўсюдзілася інфармацыя аб тым, што кантракт з ім будзе заключаны тэрмінам на адзін год. Аднак пасля стала вядома, што Служба бяспекі Украіны затрымлівае гэта прызначэнне.

Прычынай такога кроку з боку прадстаўнікоў спецслужбы было тое, што неграмадзянін Украіны можа атрымаць допуск да матэрыялаў, якія тычацца бяспекі дзяржавы, бо ПАТ «Укртрансгаз» - стратэгічнае прадпрыемства транспартавання і захоўвання газу.

Аднак цяпер выбраны ў выніку конкурсу Павел Станчак ужо павінен прыступіць да працы пасля ўрэгулявання ўсіх фармальнасцяў.

Заўважым, што польскі спецыяліст Станчак мае тэхнічную і адукацыю ў кіраванні, таксама больш за 25 гадоў працуе ў галіне транспартавання, размеркавання і захоўвання газу.