Новы год у небе: як авіякампаніі віншуюць пасажыраў
- 2.01.2018, 21:41
Часам самалёты малююць елкі і пішуць віншаванні ў небе падчас палёту.
Блогеру Сяргею Анашкевічу неяк давялося сустрэць Новы год у самалёце падчас палёту. Гэта было даволі незвычайна: сцюардэсы надзелі чырвоныя каўпакі, усім пасажырам падалі шампанскае ў шкляных куфлях з бізнэс-класа і мандарыны, піша 06452.com.
Згадаўшы той пералёт, Сяргей наважыў даведацца, як яшчэ авіякампаніі віншуюць сваіх пасажыраў з Калядамі і Новым годам.
WestJet
Канадская кампанія WestJet яшчэ ў 2013 заваявала сэрцы многіх сваім калядным відэаролікам. Кампанія адна з нямногіх, якая дорыць сапраўдныя рэальныя падарункі. У аэрапорце вылету Санта-Клаўс цікавіцца жаданнямі кліентаў авіяперавозчыка, а ўсяго праз пару гадзін па прылёце падарункі чакаюць пасажыраў на багажнай стужцы! Хіба не крута?
У гэтым годзе WestJet наважыла зрабіць падарунак пацярпелым ад пажару жыхарам канадскага гарадка Форт МакМерэй, сабраўшы іх усіх разам.
Finnair
У 2014 годзе Finnair паказала мільёнам людзей ва ўсім свеце сакрэтнае відэа, дзе прадэманстравала мяшок падарункаў Санта-Клаўса і як адбываецца іх размеркаванне па адрасатам.
Air Canada
Air Canada напярэдадні Калядаў наважыла папесціць канадцаў, якія жывуць за мяжой, падарыўшы ім магчымасць правесці Каляды на радзіме!
Air New Zealand
У 2014 годзе Напярэдадні Раства бортправаднікі 11 рэйсаў Air New Zealand ператварыліся ў Санта-Клаўсаў і эльфаў, якія дораць выдатны настрой пасажырам.
Lufthansa
Сёлета Lufthansa наважыла парадаваць пасажыраў гастранамічна: авіякампанія прыгатавала ўсім сваім пасажырам невялікія шакаладныя падарункі, а пасажыры далёкамагістральных рэйсаў першага класа могуць выбраць стравы з адмысловага чароўнага меню і правесці вячэру ў палёце пры свечках.
Таксама авіякампанія ўпрыгожыла салоны ўсіх сваіх самалётаў каляднымі гірляндамі. Асаблівую ўвагу надалі дзецям - ім у самалёце падарылі плюшавых медзведзянятаў.
Не ўсе рады
Дарэчы, бываюць і кур'ёзныя выпадкі, звязаныя з каляднымі віншаваннямі на борце. Так, 23 снежня гэтага года, на борце рэйса 1140 авіякампаніі American Airlines з Нью-Ёрка ў Далас пасажыр выйшаў з сябе і накінуўся на бортправаднікоў пасля таго, як тыя віталі пасажыраў на пасадцы, жадаючы кожнаму «Шчаслівых Калядаў!»
«Вы не павінны так казаць, бо не ўсе святкуюць Каляды!» - заявіў пасажыр сцюардэсе, якая сустракала пасажыраў. «Але што ж мне казаць?» - пацікавілася дзяўчына. «Ды што заўгодна, акрамя «Шчаслівых Калядаў!» - адказаў ён і, адсунуўшы сцюардэсу, прайшоў у салон.
Яе калега, што сустракала пасажыраў у сярэдзіне салона, таксама ласкава вітала яго словамі: «Шчаслівых Калядаў!»
Гэта канчаткова вывела пасажыра з сябе. Ён зноў зароў: «Не смейце так гаварыць!» Са слоў сведкаў, ён ніяк не хацеў супакоіцца і выказаўся доўгай і гучнай тырадай з нагоды некарэктных паводзін экіпажа. У выніку таварыша знялі з рэйса і адправілі ў паліцэйскі ўчастак...
Елкі і віншаванні ў небе над Еўропай
Часам самалёты малююць елкі і пішуць віншаванні ў небе падчас палёту. Робіцца гэта з дапамогай трэка (аналагічна трэку навігатара), які можна бачыць з дапамогай сэрвісу Flightradar24.
У сярэдзіне снежня 2017 г. пасажырскі авіялайнер Airbus A380 з рэгістрацыйным нумарам F-WWAE здзейсніў незвычайны тэставы палёт, намаляваўшы ў небе калядную ёлку. Вось як выглядаў той палёт вачыма радараў і дыспетчараў:
Дрэва атрымалася проста велізарным: яго вяршыня была над Гамбургам (менавіта адтуль выляцеў самалёт), а ніжняя частка ствала - над Штутгартам: адлегласць паміж двума гарадамі складае прыкладна 630 кіламетраў.
Летась пілот лёгкага двухмеснага самалёта Amateur Vans RV-9 з рэгістрацыйным нумарам G-RVDG намаляваў невялікую ёлку над англійскім графствам Нортгемптаншыр.
На наступны дзень у небе над Нямеччынай можна было назіраць за з'яўленнем надпісу «Merry X-mas». Яе намаляваў пілот самалёта Remos G-3 Mirage з рэгістрацыйным нумарам D-EPDC.
Праз тыдзень уладальнік іншага лёгкага самалёта Vans RV-12 з рэгістрацыйным нумарам PH-BZT намаляваў дрэва ў небе над Нідэрландамі.