У Гомелі гарыць вайсковая часць або сховішча мазуту завода «Крышталь»

• 13.08.2026, 14:33

Дзіўны пажар адбыўся ў Навабеліцкім раёне.

13 жніўня каля 9:30 у Гомелі зафіксавалі пажар. Паводле аналізу здымка, полымя магло ўзнікнуць на ўскраіне Навабеліцкага раёна горада — непадалёк ад вайсковай часці або тэрыторыі сховішча мазуту.

Пра пажар паведамляе Telegram-канал «Флагшток». Аналіз фатаграфіі, якая апынулася ў распараджэнні канала, паказвае, што пажар адбыўся на ўскраіне Навабеліцкага раёна Гомеля.

Судзячы паводле ракурсу фатаграфіі, чорны дым мог ісці з тэрыторыі вайсковай часці 63604, дзе захоўваецца аўтамабільная і лёгкабраніраваная тэхніка, а таксама гаўбіцы, або з боку катэльні завода «Крышталь», на тэрыторыі якога размешчана сховішча мазуту, адзначае выданне.

Афіцыйнай інфармацыі пра пажар на гэты момант не паступала. Мясцовыя Telegram-каналы таксама не паведамлялі пра здарэнне. Прычыны пажару пакуль невядомыя.