У Босніі і Герцагавіне праходзяць масавыя пратэсты супраць самавольства паліцыі

• 26.12.2018, 21:58

Мітынгі пачаліся ў сакавіку, але цяпер успыхнулі з новай сілай.

У Босніі і Герцагавіне праходзяць масавыя пратэсты супраць самавольства праваахоўных органаў.

Штуршком да пратэстаў стала затрыманне мужчыны, які не можа дабіцца праўды ў справе забойства свайго сына, паведамляе economistua.com.

Пратэст працягваецца з сакавіка, пасля таго як у горадзе Баня-Лука выявілі цела 21-гадовага Давіда Драгічавіча, які загінуў пры загадкавых абставінах.

Нядаўні арышт бацькі Давіда - Давора Драгічавіча - прывёў да новай хвалі пратэстаў, якія ўжо прыцягнулі ўвагу Еўрапейскай Дэлегацыі. Дэлегацыя, у сваю чаргу, запатрабавала ад паліцыі неадкладнага вызвалення мужчыны. Давора пазней адпусцілі, аднак мітынгі працягваюцца з новай сілай.