Стала вядома, колькі будуць каштаваць квіткі на матч БАТЭ - «Арсенал»
- 28.12.2018, 20:35
Матч 1/16 фіналу футбольнай Лігі Еўропы пройдзе на «Барысаў-Арэне» 14 лютага.
Стала вядома, колькі будуць каштаваць квіткі на матч БАТЭ - «Арсенал» (Лондан).
Матч 1/16 фіналу футбольнай Лігі Еўропы пройдзе на «Барысаў-Арэне» 14 лютага (пачатак а 20:55).
Як інфармуе прэс-служба ФК БАТЭ, квіткі вышэйшай катэгорыі будуць каштаваць 110 рублёў, 1-й – 90, 2-й – 70, 3-й катэгорыі – 50 рублёў.
У адны рукі будуць прадаваць не больш за два квіткі. Пра парадак іх рэалізацыі клуб паведаміць пазней.
Матч у Лондане пройдзе 21 лютага.
БАТЭ гуляў з «Арсеналам» у Лізе Еўропы ў 2017 годзе, былі дзве паразы — 2:4 (дома) і 0:6 (у гасцях).