На магілёўскім вакзале з'явіліся надпісы на кітайскай мове

• 10.03.2018, 21:10

Раней кітайская мова з'явілася на вакзалах Менска і Берасця.

У групе «Народны патруль Магілёва» былі размешчаныя фота з гарадскога вакзала, дзе відаць, што некаторыя шыльды з гэтага часу прадубляваныя па-кітайску. Так, іерогліфамі ўжо «пазначаныя» міліцыя і прыбіральня, піша сайт «Магілёў Онлайн».

Да гэтага кітайскія надпісы ўжо былі заўважаныя на менскім вакзале, даслоўна ў адзін час з магілёўскімі з'явіліся звесткі і аб шыльдах на кітайскай мове ў Берасці.