Трамп прыняў у Белым доме лідараў краін Балтыі

• 3.04.2018, 21:40

Ён павіншаваў Латвію, Літву і Эстонію са 100-годдзем іх незалежнасці.

Прэзідэнт ЗША Дональд Трамп прыняў у Белым доме прэзідэнтаў трох краін Балтыі - Латвіі, Літвы і Эстоніі, паведамляе «Радио Свобода».

На прэс-канферэнцыі пасля сустрэчы Трамп адзначыў, што Амерыка прыхільная падтрымцы незалежнасці і самавызначэнню краін Балтыі, і нагадвае, што гэтую палітыку яна праводзіла і ў гады савецкай акупацыі гэтых краін, не прызнаючы іх ўключэнне ў склад СССР. Ён павіншаваў Латвію, Літву і Эстонію са 100-годдзем іх незалежнасці.

Трамп адзначыў супрацоўніцтва ЗША і трох краін у сферы абароны і эканомікі.

Прэзідэнт Літвы Даля Грыбаўскайтэ заявіла пра прыхільнасць краін Балтыі хаўрусніцтву з ЗША і нагадала пра абавязанні краін NATO ў сферы калектыўнай бяспекі пры абароне ад замежнага ворага.

Раней на ўрачыстым абедзе з удзелам прэзідэнтаў Далі Грыбаўскайтэ, Раймондаса Веёніс і Керсці Кальюланд Трамп заявіў, што «ніхто з прэзідэнтаў ЗША» не праводзіў такую жорсткую палітыку ў дачыненні да Расеі, як ён.