Нетаньяху падаў сакрэтны архіў іранскай ядзернай праграмы, здабыты «Масадам»

• 30.04.2018, 21:18

Са слоў ізраільскага лідара, Тэгеран гадамі хаваў свае ядзерныя распрацоўкі ад сусветнай супольнасці.

Прэм'ер-міністр Ізраіля Біньямін Нетаньяху выступіў з заявай з нагоды ядзернай праграмы Ірана, паведамляе «Голос Америки».

Як падкрэсліў ізраільскі лідар, гаворка ідзе пра сакрэтныя ядзерныя распрацоўкі, якія Іран на працягу гадоў хавае ад міжнароднай супольнасці.

«Іран хлусіў», - заявіў Нетаньяху.

«Ізраіль мае сакрэтныя іранскія файлы», - растлумачыў ён. У распараджэнні Ізраіля знаходзяцца дакладныя копіі іранскіх ядзерных архіваў удакладніў кіраўнік ізраільскага ўрада.

Са слоў Нетаньяху, улады Ірана перанеслі працы ў рамках ядзернай праграмы на засакрэчаныя падземныя прадпрыемствы.

Ізраільскі прэм'ер-міністр адзначыў, што Ізраіль падзяліўся наяўнай разведвальнай інфармацыяй з ЗША.

Напярэдадні выступу прэм'ер-міністр Ізраіля адмяніў выступ у кнэсеце і правёў экстраную нараду кабінета.

Напярэдадні адбылася тэлефонная размова паміж прэзідэнтам ЗША Дональдам Трампам і Біньямінам Нетаньяху.