Ізраіль прывёў войскі ў стан павышанай гатоўнасці

• 8.05.2018, 21:39

Войска абароны Ізраіля разгарнула сродкі СПА і загадала адкрыць бамбасховішчы.

Войска абароны Ізраіля загадала мясцовым уладам прыгатаваць бамбасховішчы. Гэта адбылося пасля таго, як вайскоўцы зафіксавалі «анамальную актыўнасць іранскіх сіл у Сірыі», паведамляе газета Jerusalem Post словы прадстаўніка вайскоўцаў.

Таксама ізраільскія вайскоўцы павысілі ступень гатоўнасці да нападу і разгарнулі сілы СПА ў паўночнай частцы краіны, паведаміла газета.