У Берасці моцны вецер «ссек» дрэва, а дождж затапіў вуліцу Гогаля

• 9.05.2018, 21:10

Дрэва ўпала на вароты сярэдняй школы № 9 і заблакавала ходнік.

Надвячоркам 9 траўня надвор'е ў Берасці сапсавалася. Моцны вецер узнімаў пыл і паваліў дрэва на вуліцы Наганава, а залева традыцыйна затапіла вуліцу Гогаля, перадае tut.by.

Дрэва ўпала на вароты сярэдняй школы № 9 і заблакавала ходнік. На шчасце, абышлося без пацярпелых.

Моцны вецер змяніўся проліўнем з градам. Пад націскам навалы, як заўсёды, пацярпела вуліца Гогаля.