Аўстрыя пачала старшынстваваць у Радзе ЕЗ

• 1.07.2018, 14:59

Старшынства будзе праходзіць пад дэвізам «Еўропа, якая абараняе».

З 1 ліпеня Аўстрыя распачала старшынства ў Радзе Еўрапейскага Звязу, якое будзе доўжыцца наступныя паўгода.

Пра гэта гаворыцца ў паведамленні на сайце аўстрыйскага старшынства.

«Падчас свайго старшынства Аўстрыя мае намер узяць на сябе ролю будаўніка мастоў у Еўропе і паменшыць нядаўнюю напружанасць. Нам важна ўмацоўваць давер да ЕЗ і, каб Еўрапейскі Звяз мог выконваць свае вялікія задачы», - заявіў канцлер Аўстрыі Себасцьян Курц.

Старшынства будзе праходзіць пад дэвізам «Еўропа, якая абараняе». Урад Аўстрыі плануе засяродзіцца на наступных сферах: бяспека і барацьба з нелегальнай міграцыяй, забеспячэнне росквіту і канкурэнтаздольнасці шляхам лічбавай апрацоўкі і стабільнасці ў суседніх краінах. Апошняе таксама ўключае мэту падтрымаць намаганні краін Заходніх Балкан па збліжэнні з ЕЗ.

Акрамя таго, Аўстрыя будзе выступаць за ўмацаванне прынцыпу субсідыярнасці: Еўрапейскі Звяз павінен засяродзіць увагу на буйных пытаннях, якія патрабуюць сумеснага развязання, і павінен саступаць, калі справа даходзіць да меншых пытанняў, дзе дзяржавы-сябры або рэгіёны маюць найлепшыя магчымасці прымаць пастанову.

Старшынства ў ЕЗ будзе для Аўстрыі трэцім у гісторыі з моманту ўступлення краіны ў блок у 1995 годзе.